De-branding is on its way in a small shop in Britain

In a small local shop in Brighton the owner is de-branding her products as a part of an art project. The goal is to replace favorite packaging with locally sourced design efforts from various social groups like: schoolchildren, mental health service users, people with addictions, and so on. The design and the execution is not fancy by any means. Everything is handmade, but it adds a familiar human feel to a “striving-for-perfection” sterile packaging.

sugar-in-disguise
De-branded sugar. (Photo by Hyperallergic.com)

For the shop’s customers, Kathrin Böhm who is the co-author of the project, hopes that It offers “a moment to realize that this is the way we shop and choose, and [that] who we shop with is a conscious decision.” Böhm’s project offers consumers a chance to reconsider their own patterns of behavior and, she adds, to realize that, quite apart from the logos and packaging, “there’s actual value to certain things like a good shopkeeper.”

I’ve reported in previous posts about how our buying decisions can be influenced by packaging and branding, so it is truly fresh to enable consumers to experience the “real” product behind the box, or a different shopping experience when our senses are not hijacked. It makes me go back to basics and think about the “hard” and “tangible” elements that constitute a product or a service, before all of the elaborate design and communication strategies. I firmly believe that a good product will go a long way in winning the customer’s trust and will guarantee his return.

You can read more about the project here:
Taking the Branding Out of Brands in a Small British Town

Најдобрите 10 македонски пакувања бр.5 и бр.4

На 5тото и 4тото место се наоѓа една од ретките македонски компании која сериозно ја сфати проблематиката на својот визуелен идентитет и изгледот на своите пакувања.

Vitalia Redfruit bars
Redfruit bar (6x35g) – Виталија | Дизајн: Brinner Creative Studio

Во годините кога се основаше Виталиа се чини дека не постоеше голема потреба за производите именувани како „здрава храна“.  Може да се каже дека оваа компанија е пионерот кој ја создаде потребата кај македонскиот потрошувач притоа истовремено отворајќи простор на полиците од македонските маркети за производите групирани под името„здрава храна“. Денес Виталиа изгледа многу поинаку од компанијта со две специјализирани продавници во Скопје кои многу тешко се наоѓаа. Како што растеше нивното портфолио на производи, така истите почнаа да стануваат се подостапни на рафтовите. Со тек на времето Виталиа почна да станува од компанија препознатлива по уникатни производи (глина, јаворов сируп, млеко од соја) во една „понормална“ компанија, сега попрепознатлива по нивните цереалии и енергетски плочки. Овие нови производи настапија на пазарот со еден карактеристичен дизајн кој изгледаше многу поразлично претходните производи на оваа компанија но, и од производите на останатите компании во истиот сектор.

Кафената етикета во која е впишан несмасно уреден текст наеднаш стана голема бела површина со современ фонт, современи бои и квалитетни фотографии, а логото од проѕирно стана исклучиво бело. Новите производи конечно оддаваа современ и софистициран впечаток. За среќа овој успех во визуелниот третман се совпаѓаше со успехот на постигнатиот вкус и карактеристичната крцкава текстура на самите производи. Житариците на Виталиа преку ноќ станаа бренд без практично никаква промоција. Производите зборуваа сами за себе. Ова е резултат на постигнатата синергија помеѓу пакувањето и содржината на производите која вели: „тоа што го гледаш – тоа и го добиваш, ако не и повеќе!“.

Најверојатно водени од успехот на житариците со амбалажа во бела ќеса, компанијата почна да произведува и житарици во картонски кутии. Паралелно со овие пакувања почнаа да се појавуваат и енергетски плочки во различни серии и вкусови. Карактеристичното за сите нови пакувања е што кај сите беше забележлив плоштниот третман на бојата. Се чини дека секој единечен производ на Виталиа има за задача да игра голема бела цигла меѓу останатите производи, а доколку овие производи се наредат блоковски (по вообичаениот начин кој се користи во малопродажбата) за потрошувачот е неизбежно го забележи овој бел ѕид меѓу останатото шаренило. Ова е само доказ дека Brinner Creative Studio  многу добро знае што прави и многу добро ги сфаќа трендовите во малопродажбата.

Vitalia Granola
Granola 350g – Виталиа | Дизајн: Brinner Creative Studio

Плоштниот третман на бојата е практика која релативно скоро почна да се применува во дизајнот на пакувањата. Интересно е да се забележи дека дизајнерите ја искористиле и црната боја за пакувањето на еден од производите на Виталиа – Red fruit bar (premium). Оваа боја до сега беше резервирана само за чоколадите и кафињата па затоа треба да се честита на раководството на оваа компанија зошто (нетипично) ја прифатило оваа боја како доминантна за еден од нивните производи, кој патем изгледа одлично!

Од другата страна на овој голем успех се кријат опасности со кои верувам дека би можела да се соочи компанијата во иднина. Имено, редизајнот не е застапен кај целото нивно портфолио па доколку земете на пример оцет, органски чај и гранола житарки и ги поставите едни до други ќе немате претстава дека се работи за производи од иста компанија. Ова не е секогаш неопходно за успехот на производите, меѓутоа тие оддаваат впечаток дека се направени  во различни временски периоди кои имаат распон од 4 декади. Второ, новите производи се соочуваат со опасноста да станат монотони и недоволно диференцирани. Белината иако е успешна за разграничување помеѓу производите од другите компании, таа не е успешна во разграничувањето меѓу сопствените серии производи (гранола житарки и vitality житарки). Распоредот на елементите во пакувањата останува скоро ист и карактерот на употребените фотографии останува да биде генеричен (stock photo), впечаток кој под наплив на некој  бренд  кој зрачи со поавтентичен дух веднаш би се растворил во својата недефинираност сведувајќи ги на еквиваленти со пакувањата на private label брендовите (читај Веро павлака). Како илустрација, доволно е да се споредат овие житарки со брендот на Plazma. Најпосле, сите нови пакувања што изглегоа откако е ангажирано Brinner Creative Studio се на англиски. Иако Виталиа е компанија која сака да остави светски впечаток, се добива чувство дека со овој потег бега од своите корени и штета е што барем производите што се пласираат на македонскиот пазар не го носат нашето писмо.

Под претпоставка дека оваа компанија го остварува својот извоз во регионот кој не изобилува со висококвалитетни производи и голем број на автентични брендови верувам дека и покрај овие опасности компанијата остварува позитивен резултат. Способноста да се види оваа слабост кај домашните компании и кај компаниите од регионот и  храброста да се усвојат нетипични промени во изгледот и квалитетот на производите се карактеристиките кои и го трасираат патот кон успехот на Виталиа. Токму поради доа  верувам дека и натаму ќе гледаме успешни производи и успешни пазарни потези од оваа домашна компанија.

КОН МЕСТО БР.6

Најдобрите 10 македонски пакувања бр.6

Скопско лименка 0,5l
Скопска Пивара – Скопско лименка 0,5l | Дизајн: Idea +

Скопско е производ со огромна традиција. Неговото производство почнува во 1924 и успева да се одржи на пазарот скоро 90 години. Денес тој котира како еден од најпознатите брендови кои се консумираат во државата и ужива голема репутација меѓу населението. Бидејќи станува збор за производ со огромна традиција неизбежно е од тој аспект да се разгледа и  приказната за неговото пакување.

Приказната за пакувањето на Скопско почнува да завзема сериозен тон во 1991 година со самата приватизација на компанијата. Таа година прв пат етикетата на производот графички беше обликувана со сериозна маркетиншка намера да се модернизира производот. Резултатот беше добро познатата златна етикета која опишуваше техничка мрежа во која беа сместени три заоблени стрелки: розева, жолта, црна и името на производот со еден модерен безсерифен фонт. Она по што ќе стане етикетата на ова пиво препознатлива во следните години е токму третманот на фонтот кој од 1996 па наваму станува серифен. Одлуката да не се смени стилот на фонтот се до денес е детал кој многу добро е употребен од дизајнерските тимови затоа што серифниот фонт секогаш означува традиција и мајсторство, а околу овие внимателно одбрани карактеристики пак е изграден имиџот на самиот бренд.

Иако флашата од 0,5l е синоним за овој бренд, сметам дека лименката од истата литража најуспешно ја пренесува идејата и пораките кои му се испраќаат на потрошувачот за (ре)дизајнот на Скопско како и информациите за тоа кое ниво на современост овој бренд денес го има постигнато.

Како што и претходно споменав, станува збор за бренд кој се потпира на традицијата па генералниот  впечаток што го остава ова пакување е конзервативен (што во случајот е многу соодветно). Доминантните бои искористени во лименката се зелената која алудира на традиционалната боја на стаклото (шишето) и  златната боја што го одразува квалитетот и зрелоста на житарките од кои се прави пивото. Иако од неа нема потреба, целосниот дизајн на етикетата и нејзините елементи се пренесени и врз дизајнот на лименките. Етикетата ја нема сменето многу својата содржина од 1996г наваму.  На средината како и што може да се очекува се наоѓа името на производот со веќе препознатливиот безсерифен фонт испишан врз илустрација на зелена лента. На врвот од оваа лента може да го видиме логото на Пивара Скопје додека на долниот дел може да се забележи симетрична илустрација од јачменови гранчиња. Назнаката за светло пиво е испишана во црвен ракописен фонт под кои се наоѓаат 7те медали за квалитет што ги има добиено овој производ низ текот на годините.

Доколку запреме тука со анализата ќе кажеме дека ова пакување и нема што многу да покаже но, вистинската магија се наоѓа во деталите кои се наоѓаат надвор или помеѓу главните делови на пакувањето. Она што е најфпечатливо во лименкта се финесите во употребата на различните нијанси на златната боја и акцентите на белата и сребрената (бојата на самата лименка) со цел да се постигне посакуваниот современ и софистициран ефект. Играта со различните нијаси на златната може да се забележат во позадината на етикетата додека акцентите на сребрената и белата може да се видат во самите букви на логотипот и секаде каде граничат две различни бои. Интересен е и златниот растер кој е  употребен на белата површина од етикетата кој на лименката и дава дополнителна тродимензионалност. Овие финеси укажуваат на тоа дека за ова пакување се направени многу прототипови, потрошено е многу време и за неговото создавање е употребено последното од она што може да го понуди технологијата.

Се чини дека Скопско ги има исполнето сите сериозни услови да биде најуспешниот домашен бренд. Сериозниот маркетиншки пристап уште од самото приватизирање на компанијата во 1991г, сериозноста кон визуелниот идентитет, свеста за сопствениот бренд,  неговото одржување и осовременување поддржани од континуираното медиумско присуство со легендарни кампањи се факторите  кои му ја донесоа привилегираната позиција на овој бренд денес. Во иднина од Скопско може да го очекуваме клучниот елемент за еден бренд , а тоа е постојаноста. Постојаноста да се задржи истиот рецепт, традиционалниот изглед…  меѓутоа и постојаноста брендот да се адаптира на промената на пазарните услови и светските глобални трендови.

КОН МЕСТО БР.7 И БР.8

10 најдобри македонски пакувања (бр.10 и бр.9)

Тешко е да се збоорува за успешни пакувања, а без притоа да не се земе предвид улогата на производителот или конкретниот производ во нашето секојдневие. Во оваа листа се содржани токму такви, секојдневни пакувања кои пред се, обликуваат македонски производи. Потребата да се издвојат и рангираат најдобрите 10 македонски пакувања е прилично јасна ако се земе предвид дека ретко се дискутира за квалитетот на нашите дизајнерски решенија во рамките на нашата држава. Од таа гледна точка, оваа листа пред се има функција да го издвои квалитетот и да отвори дискусија за оваа тема, многу повеќе од тоа да се стреми да биде претенциозна ранг-листа за конкретните пакувања.

Кога се говори за пакувањата, потребно е да се разгледаат повеќе фактори кои влијаат на нивниот квалитет и кои во голема мера се земени предвид во оваа ранг-листа. Едно успешно пакување треба да:

  •  изгледа соодветно или атрактивно (самостојно или поставено во низа едно до друго или под друго)
  •  се отвора лесно
  •  пружа можност за повторната употреба по првото отворање
  •  ги содржи сите потребни спецификации за производот
  •  го штити производот од механичка, елементарна и др. оштети што ја загрозуваат неговата содржина
  •  лесно да се пренесува и складира
  •  го штити производот од кражба и др.

Во продолжение можете да ги погледнете избраните пакувања заедно со пропратните информации за компанијата или за самиот производ заедно со лична анализа и коментар.

Кафетин Колд – Алкалоид, | 10 таблети | каширан и пластифициран картон

Додека ја составував оваа листа, пакувањето за Кафетин Колд беше единственото кое драстично ги менуваше своите позиции и беше единственото за кое имав сериозни размислувања дали воопшто заслужува да биде селектирано како кандидат на оваа листа. Причините за моето премислување може да се објаснат разгледувајќи ја самата амбалажа. Прво, ова е единствениот производ од оваа листа кој неможете да го набавите во вашиот локален маркет. Неговото продажно место е аптеката и токму поради тоа ова пакување мора да се разгледува споредено со останатите пакувања за лекови. Второ, дури и да се разгледува во однос на другите пакувања за лекови, природата на овој препарат не е иста како останатите. Не сум запознаен премногу со регулативите за изгледот на пакувањата за лекови но, според ситуацијата на терен изгледа дека парацетамолот нема ист третман како што имаат и останатите посериозни лекови: антибиотици, антихистаминици итн. Очигледно е дека пакувањата за полесните медицински препарати уживаат поголема слобода на тоа како и што ќе се прикажува на амбалажата.

Карактеристично за ова пакување е што најпрвин на него може да забележиме фотографија од женско лице што многу ретко се среќава кај пакувањата за лекови. Втората работа што го прави ова пакување карактеристично е што скоро целото е синo, а и самите теблети се обоени во сино. Ова укажува на тоа дека се работи за производ создаден со силна маркетиншка предумисла и цел – продажба. Не е случано што овој препарат може да се види на секое стакло од секоја аптека во Македонија. Отсјајот од стаклото во аптеката одлично се надополнува со сребрениот финиш на самиот картон па во комбинација со женското лице  и карактеристичната боја се создава совршена синергија која веднаш го привлекува вашето внимание и ја остварува продажбата на овој производ. (лицата на пакувањата се првото нешто што го забележува купувачот)  Ако се земе предвид фактот дека 70% од  конечната одлука за пазарување на одреден производ се случува токму на местото каде производот се изложува, тогаш се чини дека Алкалоид има создадено еден совршен производ. Токму и поради тоа, Кафетин Колд резултира со своето карактеристично сино-светкаво пакување кое на одредени моменти делува дури и како кич меѓутоа, не е возможно да не го забележите кога ќе влезете во аптека. Уверен сум дека ова македонско пакување остварува одлична продажба посебно во пазарна ситуација кога повеќето од потрошувачите парацетамолот го врзуваат со многу посилен странски бренд па тоа е и најголемата причина зошто ова пакување заслужува да се најде на оваа листа.

Добра вода – Различни амбалажи: PET, стакло

Кога станува збор за пакувања, брендот на Добра Вода се наметна како водач во својата категорија – минерални води. Се чини дека генералниот впечаток што дизајнерите сакале да го остават со овие пакувања е чувството на  беспрекорна бистрина. Ова се забележува во третманот на етикетата и на самата амбалажа. Етикетата во најголемиот дел е транспарентна со минимална графичка интервенција која е резервирана само за логото и една дискретна илустрација на планинаски врвови. Додека формата на амбалажата не се разликува многу од таа на конкурентите, ненаметливата боја и третманот на самата пластиката оддава чувство на ненаметлива префинетост која го дополнува впечатокот на она што оваа вода треба да го означува. Во таа насока, дизајнерите завршиле многу подобра работа од луѓето кои се задолжени за маркетингот на овој бренд, бидејќи од нивна страна, до потрошувачот скоро и да не допираат информации каква вода всушност пие или пак треба да пие. Информациите потрошувачот генерално ги добива преку самото пакување кое говори за еден префинет женски принцип кој е бел, чист, млад и недопрен. Наспроти отсутниот маркетинг, овој женски принцип се појавува во една од најдобро изработените македонски реклами токму за оваа вода: „Шише полно живот“. Ако се сеќавате, тоа беше рекламата со Пинокио. Тука Добра Вода ја има улогата на Добрата Вила која дава живот исто како во приказната на една навидум безживотна кукла.  Во спотот јасно се гледа инспирацијата на креативниот тим која несомнено тргнал да го гради сценариото од самата амбалажа успешно пренесувајќи го женскиот девствен принцип. Дополнително, во приказната Добрата Вила се симнува од ѕвездите, а токму и ѕвездата е составен дел од амбалажата на водата. Таа е присутна на горниот дел од капачето кое е обоено во една боја, различна за секоја од различните линиите на води. Смелоста во третманот на капачето му обезбедува на шишето добра видливост на рафт и инстантна препознатливост благодарение на симболот во форма на ѕвезда. Оваа смелост во контраст со ненаметливиот дизајн на останатите делови на амбалажата прави еден заокружен дизајн-производ кој повеќе од заслужено го најде своето место во оваа листа.

КОН МЕСТО БР.1